Skip to main content
Guitiriz

De hoxe nun ano

Por 13 Novembro, 2017Sin comentarios

Esta semana cúmprese un ano da estrea na igrexa dos Vilares do documentário ENTRAR AOS VILARES, realizado por Cibrán Tenreiro, Xacobe González e Toni González por encargo do colectivo Os Vilares, lareira de soños.

Desde aquela, foron moitas as localidades que en museos, centros sociais, asociacións, festivais e aulas visionaron este filme rural sobre a parróquia vilarega de Diaz Castro. A película, que acompañará ao aguardado libro de Pas Veres, cumpreu sobradamente o seu objectivo e sigue a proxectarse por todo o país dando a coñecer as peculiaridades dunha parróquia do rural chairego a través da testemuña dos seus veciños verdadeiros protagonistas do mesmo e grandes responsáveis de que tivera saído adiante Sen recursos nin axudas económicas.

Non trata de Díaz Castro pero conxuntamente co libro de Pastora, complementa se leva escrito e gravado sobre o poeta e do espazo é tempos vivenciais de Pepe do Vilariño. Desde aquel 2014 histórico para Guitiriz e a Terra Chá con recoñecemento a unha das máis grandes figuras literarias de Galiza, a parroquia vilarega ten creadora, a través da Lareira de soños o premio Trapeir@ de Honra, un certame de micro poesía, un grupo poético, NPG Nova Poesia Guitirica, numerosos actos culturais, exposicións demandas de recuperación do patrimonio histórico e etnográfico, investigación para a recuperación da memoria a través de testemuñas, fotos, documentos e gravacións, e neste ano que está ás portas, encetamos o quinto de existencia coa edición definitiva do libro pero tamén con unha nova exposición, publicación é documentario adicados ao Armeiro de Berulfe e continuamos na demanda da restauración e posta en valor dos frescos da igrexa do século XV e da escola da Conchada, na que estudou Diaz Castro de cativo entre outras actividades.

Un traballo comunal, como sempre se fixeron as cousas nun rural que existe e resiste. De hoxe nun ano…

Antón Tenreiro