Festa final de curso para as escolas de música de Outeiro, Rábade e Begonte

A Escola de Música dos concellos de Outeiro, Rábade e Begonte remata o curso escolar cun gran festival no Campo de Santa Isabel o sábado día 9 de xuño ás 18:00 h.

Este festival acollerá as actuacións dende os máis pequenos dos cursos de música en movemento pasando polas distintas agrupacións da escola como a banda de música Sons e Soños, Young Murajazz Big Band, Banda de Gaitas, canto tradicional e pandeiretas etc… todo nun marco natural de inigualable beleza.

Pode asistir toda a xente que desexe pasar unha musical tarde de sábado.

En caso de facer mal tempo a actividade trasladarase ao pavillón do Colexio Público Laverde Ruíz de Outeiro de Rei.

Etiquetas