A Chaira destaca no torneo da Pontenova de billarda

A Praza dos Fornos da Pontenova, acolleu unha vez máis o mítico Aberto do Ferro, correspondente a segunda xornada da Liga Nacional de Billarda da conferencia NorLeste.  Ambiente excepcional con máis de sesenta palanadores presentes para xogar neste encantador recuncho presidido polas torres medievais que semellan ser os fornos de pedra.

Axudaron a dar vistosidade ao encontro algúns compañeiros chegados da conferencia NorOeste, xa veteráns e de recoñecida valía no eido billardeiro (Cotelo, Merche e Julio Vilas do equipo APB Sta. Marta de A Laracha e Collazo, Enrique, Juan Carlos e Julio Ponte de Campo da Feira de Paiosaco).

O xogo vai de paus e así o demostran os Carabullo xa que si na primeira xornada foi Albino o gañador, desta volta foi o seu compañeiro de equipo o Coroceiro Nacional 2016, Chousa quen se fixo ca Navalla e se sitúa momentaneamente como líder da conferencia. Este fichaxe, mais o de Manu Caldeiro foi unha xogada maestra dos de Ponte de Outeiro que lle fixeron un bo “afeitado” os Bulls de Remourelle.

O segundo da xornada foi Markytos, que superou a Muriego nas dúas carreiras de desempate.

En donas, Paula continúa en gran forma aínda que desta volta viuse superada por Geni e terceira Sara que tivo unha moi boa tarde.

En equipos, Os Carabullo e Billardeiros Musicais empataron a 82 puntos o que lles permite ser tamén primeiros na xeral si ben son os da Chaira os que lideran por mellor puntuación individual.

Este ano os da mariña non van ter doado manterse como dominadores absolutos da conferencia. O reto que ano tras ano manteñen os outro equipos por destronalos semella o fin posible con este comezo esperanzador. Andaremos e veremos como vai a cousa.

Os terceiros en discordia son os Troitas Bravas que aproveitaron moi ben a irregular tarde dos Chainzos-Cadaval para superalos ampliamente.

As novas fichaxes dos Bulls de momento non fan olvidar as ausencias e malia que estiveron mermados de efectivos, manteñen a súa liña donde Muriego e Jorge están cumprindo con moi boa nota.

Billarda Verde e Polka Miseria son os que menos xogadores aportan e por moi ben que o fagan, que sin dúbida o fan, as puntuacións para o equipo non poden ser moi altas e so lles permiten manter o tipo.

Así pois, rematado o xogo, fíxose entrega dos premios seguintes: unha navalla do artesan J. Rodil para Chousa, campión do aberto e Geni, mellor en donas. Un forno en cerámica para: Markytos, segundo e Paula segunda en donas. Unha figura en metacrilato para: Muriego, terceiro clasificado e Sara terceira en donas. Media dúcea de repolos para Carabullo como mellor equipo da xonada.

A vindeira xornada será en A Cadeira o sábado 27 de outubro.

As clasifiacións logo desta primeira xornada quedan así:

Individual: 

Chousa (Carabullo)                                               43 p.

Albino (Carabullo)                                                 42 p.

Daniel (Billard. Musicais)                                      39 p.

Pepe de Outeiro (Chainzos-cadaval)                  38 p.

Manu Pozo (Billard. Musicias)

Sachas (Troitas Bravas)                                     37 p.

Donas:

Paula (Chainzos-Cadaval)                                    34 p.

Geni  (Billardieors Musicais)                               30 p.

Lucia (Remourelle bulls)                                        9 p.

Equipos:

Carabullo e  Billardeiros Musicais                      149 p.

Troitas Bravas                                                        145 p.

Etiquetas