Skip to main content
ActualidadeLugo

A Deputación presenta o programa de actividades medioambientais

Por 11 Outubro, 2018Outubro 15th, 2018Sin comentarios

O Centro de Interpretación Terras do Miño e na Reserva da Biosfera Os Ancares Lucenses e Montes de Cervantes, Navia e Becerreá, darán comezo a programación de actividades medioambientais do terceiro trimestre na que poderán participar de balde máis de 500 persoas de todas as idades.

Fernández Queipo sinalou que “neste cuarto trimestre, as actividades, deseñadas para todo tipo de públicos, están centradas, especificamente, en produtos típicos do outono tales como os fungos ou as castañas”. O Deputado lembrou que a través destas actividades o Goberno da Deputación busca incentivar o interese pola riqueza da provincia, tanto natural como patrimonial, gastronómica…, ao tempo que se forma e se conciencia á cidadanía de prácticas responsable co medio ambiente.

O Deputado remarcou que o executivo pon en marcha esta programación debido ao interese que esperta na xente este tipo de iniciativas. Non en vano, tan só durante este ano, foron 1.330 os lucenses que participaron nesta programación lúdica e tamén formativa, e totalmente gratuíta. 

Programación de actividades Terras do Miño

As persoas interesadas en participar nalgunha das actividades programadas deberán reservar a súa praza a través do correo electrónico und.medioambiente@deputacion.org e poden tamén chamar aos teléfonos 982 227 812 ou 982 305 930 para obter máis información. O calendario das actividades que terán lugar no Centro de Interpretación Terras do Miño son:

Obradoiros para adultos:

– 16, 17, 18, 19 e 20 de outubro: Curso de iniciación á Micoloxía, entre as 19:30 e as 21:00 horas, no Salón de Actos da Deputación de Lugo. O 20 de outubro o horario será de10:00 a 13:30 horas. 80 prazas

– 23, 24, 25, 26 e 27 de outubro: Curso Micoloxía Nivel II, entre as 19:30 horas e as 21:00 horas, no Salón de Actos da Deputación de Lugo. O 27 de outubro o horario será de10:00 a 13:30 horas. 80 prazas.

Para familias:

– 10 de novembro: Fauna e flora invasora da Reserva da  Biosfera Terras do Miño, dende as 10:00 ás 14:00 horas, no Centro de Interpretación Terras do Miño. 20 prazas

– 20 de novembro: Obradoiro de contos e historias para o sostemento ambiental, de 16:00 a 17:30 horas, no Salón de Actos da Deputación de Lugo. 70 prazas.

– 3 de decembro: Teatro e inclusión, a mellor mestura para a preservación do medio ambiente, ás 19:00 horas, no Salón de Actos da Deputación de Lugo. 70 prazas.

– 15 de decembro: Os segredos da noite: Fototrampeo de mamíferos, entre as 10:00 e as 14:00 horas, no Centro de Interpretación Terras do Miño. 20 prazas.

Para adultos:

– 16 e 17 de novembro: Arte e Biodiversidade. Obradoiro para o profesorado e educadores, de 16:00 a 20:00 horas o 16; e de 10:00 a 14:00 e 16:00 a 20:00 horas o día 17; no Centro de Interpretación Terras do Miño. 25 prazas.

– 24 de novembro: Introdución á silvicultura nas masas frondosas autóctonas, de 10:00 a 14:00 horas e de 16:00 a 19:00 horas, no Centro de Interpretación Terras do Miño.

Programación de actividades Reserva da Biosfera Os Ancares

Para participar nas actividades é preciso reservar praza a través do correo electrónico ancareslucenses@deputacionlugo.org e para ter máis información, as persoas interesadas poderán chamar ao teléfono 982 227 813.

Para todos os públicos:

– 10 e 11 de outubro: Curso de iniciación á micoloxía, de 19:30 a 20:30 horas, no Centro de Servizos Sociais de Becerreá. O sábado 13, haberá unha saída micolóxica. Son 20 prazas.

Para adultos:

– 25 de outubro: Conceptos básicos da Castañicultura, Silvicultura e Enxerto, de 17:00 a 21:00 horas. Edificio servizos múltiples do Concello de Cervantes. Son 30 prazas.

– 9 de outubro: Compostaxe doméstica aplicada á horta, de 16:00 a 20:00 horas. Na Escola de Barcia en Navia de Suarna. 20 prazas.

Para nenos:

– 16 de novembro: Recolección e cociña de setas, de 10:00 a 13:30 horas, no CEIP de Cervantes. 20 prazas.