Skip to main content
Actualidade

O BNG pontés denuncia a destrución dun osario datado no ano 1868

Por 31 Maio, 2019Sin comentarios

O BNG das Pontes acusou ao goberno local de destruír un osario patrimonio cultural do municipio, refírense ás obras que o Concello acometeu na parroquia de San Xoán do Freixo, para a rehabilitación da contorna da igrexa parroquial.

As obras, xa executadas segundo din os nacionalistas, consistiron no derrube dun muro do antigo cemiterio no que se atopa un osario cuxa inscrición é de 1868, para substituílo por outro de formigón.

Os nacionalistas, demandaban a paralización das obras, e aseguran que intentaron acceder á autorización da Xunta e ao permiso do Obispado desde o Concello “mais non foi posíible” polo que rexistraron por escrito a súa solicitude ante a Xunta e a propia administración local.