Skip to main content
ActualidadeLugo

O Grupo Provincial Popular provincial acorda o reparto das áreas de goberno

Por 2 Agosto, 2019Sin comentarios

O Grupo Provincial acorda o reparto das áreas de goberno para facer un traballo “aproveitable e produtivo” para a provincia. Así o indica a voceira Elena Candia quen manifesta se trata dunha distribución “pensada, tal e como dixemos, para fiscalizar o traballo do goberno que, por certo, é o que ten máis medios da historia, co obxectivo de que este se axuste ás necesidades que ten a nosa provincia”.

Deste xeito, as áreas das que se ocuparán os deputados do PP, axustándose ao acordo acadado polo Pleno o pasado 30 de xullo, son as seguintes:

  • Elena Candia (voceira): Xestión Territorial; Réxime Interior; Promoción do Territorio e Turismo.
  • Javier Castiñeira (vicevoceiro): Cooperación e Asistencia aos Concellos; Deportes, Artesanía e Deseño e Memoria Histórica; Cultura, Patrimonio Histórico e Artístico e Normalización Lingüística; e Formación, Ensino e Economía do Coñecemento.
  • Agustín Baamonde (vicevoceiro): Participación Cidadá; e Medio Rural e do Mar.
  • José Antonio García (vicevoceiro): Promoción Económica e Social; e Economía, Recadación, Facenda e Especial de Contas; Medio Ambiente; e Recursos Sostibles.
  • Lola Castro (deputada): Muller e Igualdade.

Comisións Informativas
Polo que respecta ás dúas Comisións Informativas existentes na proposta aprobada, estas estarán integradas por tres membros do Grupo do PP. A designación é a seguinte:

  • Comisión Xeral de Asuntos do Pleno: Francisco Balado Teijeiro, José Pardo Lombao, José Ángel Santos Sánchez.
  • Comisión de Economía, Recadación, Facenda e Especial de Contas: Dolores Castro Ochoa, José Jesús Novo Martínez e Pablo Taboada Camoira.