Os equipos de fútbol sala de Guitiriz conquistaron as finais da Supercopa da Terra Chá

Os equipos de fútbol sala de Guitiriz impuxéronse o domingo en todas as finais que desputaron na Supercopa Terra Chá, celebrada onte no Pavillón Municipal do municipio.

Os conxuntos benxamín, cadete, alevín e infantil de Guitiriz impuxéronse nas finais que desputaron, ofrecéndolle sendos triunfos ao seu público. Begonte, Xove, Vilalba, Castro e Outeiro foron os equipos que completaron a fase final.

Os resultados quedaron do seguinte xeito: Benxamín: Guitiriz 7-5 Begonte; Prebenxamín: Begonte 3-1 Castro; Alevín: Guitiriz 3-1 Vilalba; Infantil: Guitiriz 4-1 Outeiro de Rei; Cadete: Guitiriz 2-0 Xove.

Á entrega de trofeos acudiu a alcaldesa de Guitiriz, Marisol Morandeira; o coordinador de Deportes da Terra Chá, Juan Somoza; e o capitán do equipo de xuvenís do Guitiriz F.S., Alberto Fraga, en representación de todos os equipos das Escolas Municipais de fútbol sala.

A alcaldesa, Marisol Morandeira, quixo destacar “a felicidade que supón tanto para os rapaces como para seus pais e nais ver a seus fillos non ganar, senón ser felices xogando a seu deporte favorito. É un orgullo para todas e todos este triunfo, pero sobre todo ver aos nosos rapaces medrar persoalmente, a través dos valores que inculca o deporte. Desde o grupo de goberno quero parabenizar ás escolas deportivas, polo seu traballo diario, e tamén aos nenos e nenas, que á fin e ao cabo son os grandes triunfadores desta xornada”, salientou a alcaldesa.

Etiquetas