Skip to main content
A PastorizaActualidade

Novo curso de condución segura na Pastoriza

Por 6 Xaneiro, 2020Sin comentarios

O circuíto da Pastoriza acolle os días 11 e 12 de xaneiro un novo curso de formación de particulares. Nesta ocasión e como promoción especial nadal, para os que reserven praza antes do 8 de xaneiro haberá un descuento do 10%.

A principal característica deste curso é a personalización absoluta, dado que é o monitor, que sempre acompaña ao alumno, quen se vai adaptando ao nivel de cada un deles. Isto permite que evolucionen en base aos seus coñecementos teóricos e a súa capacidade de asimilación, o que provoca que o nivel de dificultade da parte práctica aumente en función da capacidade de evolución do alumno. Así mesmo pode realizarse as veces que se desexe porque a formación é continua e sempre se van introducindo novos conceptos e perfeccionando os anteriormente adquiridos.

O participantes recibirán formación sobre posición de condución, manexo do volante en diferentes situacións, trazados e traxectorias, utilización correcta do freo e acelerador, sistema ABS, dinámica de pesos no vehículo e comportamento do vehículo (Sub e sobreviraxes).

Realízanse ao redor de 60 km de condución divididos en series, sempre en compañía de monitores profesionais. Nelas vanse reproducindo diferentes situacións da condución tratando de levar á práctica de xeito progresivo todo o visto na teórica.

Os que desexen inscribirse poden facelo a través do teléfono 650 367 521 ou no correo info@ptcescuela.com.