O alcalde de Monforte, José Tomé Roca, supervisou a poda de 5 plataneiros localizados no Parque do Barrio do Hospital, concretamente no paseo que discorre paralelo á saída do aparcadoiro de dito parque.
Deste xeito, membros da brigada de Parques e Xardíns da Concellería de Medio Ambiente, levaron a cabo a poda en altura destes 5 plataneiros, a través dun camión con plataforma elevadora.
A poda era necesaria debido a gran altura alcanzada polas ramas das árbores que podían conlevar algún risco de rotura e caída, por mor dos temporais dos últimos tempos, evitando así posibles riscos tanto para o tráfico rodado da ronda María Emilia Casas Baamonde, así como para os viandantes que a diario transitan pola senda na que están os plataneiros, en especial os usuarios do Hospital Comarcal que estacionan os seus vehículos no aparcadoiro do Parque.
Ademais, a poda, ademais de sanear ditas árbores para que crezan máis robustas, tamén se levou a cabo acorde coa estética do resto do entorno, no que se localiza o recentemente construído Parque do Barrio do Hospital.
