A Escola Municipal de Música de Sober celebra varios días de portas abertas para que todas aquelas persoas interesadas poidan probar os instrumentos que lle interesen e gozar dunhas xornadas amenas e musicais.
Así pois, todos aqueles nenos e nenas de entre 3 e 5 anos que estean interesados, a Escola de Música de Sober ofrece clases de música e movemento. Esta xornada celebrarase no día de mañá, mércores 6 de outubro, de 16 a 18 horas.
No caso dos nenos e nenas de máis de 6 anos, poderase participar nestas sesións o día 6 de outubro de 17 a 19 horas, no caso de que os instrumentos que desexe o participante sexan trompeta e percursión; o día 9 de outubro de 12 a 13.30 horas, se o instrumento é frauta, clarinete ou saxofón ou o día 9 de outubro de 16.30 a 17.30 se o instrumento é trombón, trompa, tuba e bombarino.
Unhas xornadas completas de música para poder probar e gozar de novos instrumentos, levando a cabo todas as medidas sanitarias correspondentes.
