San Xiao de Mos servía preto de 700 racións de polo guisado con patacas asadas este domingo 29 de outubro na súa sexta expodegustación da raza Galiña de Mos.
A xornada contou cunha gran afluencia de público que tamén puido disfrutar de artesanía e exposición de maquinaria agrícola, xogos populares da man do Cadaval e animación a cargo do dúo La Ola.
Concurso comarcal
A VI Exposición e Concurso comarcal da Terra Chá contou coa participación de medio cento de exemplares dunha decena de criadores e criadoras dos concellos limítrofes á comarca da Terra Chá.
O veterinario oficial da Xunta, Esteban Rivas, foi o responsable de determinar os exemplares gañadores. Neste caso, a mellora galiña da exposición foi da propiedade de José Luis Freire Castedo, de Suegos (Pol); mentres que o mellor galo foi da propiedade de José Zapata Sánchez, de Castro de Riberas de Lea (Castro de Rei).