Skip to main content
ActualidadeFriol TERRACHÁXA

Friol celebrará o seu tradicional Samaín o sábado pola tarde

Por 25 Outubro, 2018Sin comentarios

O vindeiro sábado 27 de outubro  terá lugar en Friol a celebración do Samaín, un conxunto de actividades abertas a todos os públicos, para as que se recomenda caracterizarse.

Desde fai uns anos, a xornada comeza ás catro da tarde na Fortaleza de San Paio de Narla, con actividades para os máis pequenos (como baleirar cabazas e colorear a cara) ata as sete e cuarto, hora para a que está programado o paseo das ánimas dende a Fortaleza ata o centro de Friol, con cabalos, antorchas…

Posteriormente, ás nove sucederanse unha pancetada acompañada de pan e viño mentres para os máis pequenos haberá un menú diferente e mesa reservada. Logo darase chocolate quente con bizcochos e ás once da noite farase a tradicional queimada con conxuro ata as doce, onde a esa hora darase por finalizado o Samaín 2018.

Todos estes actos trasladaranse ao Pavillón Municipal debido ás previsións meteorolóxicas.

O alcalde, José A. Santos explica que o Samaín “é unha celebración consolidada nos actos programados conxuntamente entre ou Concello e a Asociación A Castronela. Temos que agradecer a implicación  desta Asociación, son  verdadeiros profesionais non terreo, que colaboran dun xeito excepcional nestes actos”. Para rematar, anima a veciños e visitantes, a participar nesta celebración que ano tras ano colleita máis e mellores éxitos.