Muras acolle este venres unha nova edición da carreira solidaria da campaña de Unicef Gotas para Níxer que está organizada polo CEIP Antía Cal e da súa ANPA.
A carreira arrincará da praza da Galeguidade o 22 de marzo ás 12.00 horas e percorrerá as rúas de Muras. A dificultade da mesma é minima para que podan participar persoas de todas as idades e o seu fin non é competitivo. As carreiras de pingas son unha actividade deportivo-festiva na que pode participar todo o mundo. Os familiares e amigos dos participantes poden patrocinarlles, contribuíndo a reunir máis pingas.
Segundo explican os organziadores, actualmente só o 15% das escolas rurais de Níxer teñen auga potable e as dificultades de acceso afectan ás posibilidades de desenvolvemento de 3 millóns de nenos e nenas en idade escolar.
“Levando auga ás escolas deste enorme país do Sahel logramos dous obxectivos: protexer a saúde dos estudantes e incrementar taxas de matriculación e permanencia na escola. Ademais, as fontes instaladas nos centros educativos benefician a toda a comunidade porque ofrecen un punto próximo de acceso a auga potable que as familias poden usar”, din.
