O Partido Popular de Meira considera que as medidas que puxo en marcha o Concello para axudar a paliar no concello as consecuencias da crise do coronavirus, como a exención dalgunhas taxas municipais, son escasas aínda que necesarias.
O portavoz do PP meirego, Carlos Veiga, aporta como medida suplementaria que nos próximos seis meses se suprima a cobranza das dietas por parte dous concelleiros por asistencias a plenos, xuntas de goberno, así como produtividades.
Propón igualmente “a redución do soldo do alcalde e máis alcalde accidental para liberar recursos económicos para aplicalos ás medidas apuntadas para axudar aos veciños”.
Doutra banda, os populares botan en falta que o Concello habilite números telefónicos de contacto con persoal cualificado para atender ás persoas máis maiores que poidan sentirse soas.
Tamén propoñen outras medidas económicas como rebaixar o Ibi e que o goberno local non cobre o aluguer dos locais da súa propiedade mentres continúe o estado de alarma.
