Bonos consumo Vilalba

Cen familias benefícianse do programa Eu almorzo no cole

Cen familias benefícianse do programa Eu almorzo no coleCen son as familias pontesas que se beneficiarán, durante o presente curso escolar, do programa municipal Eu almorzo no cole; unha iniciativa posta en marcha polo goberno local no ano 2009 co obxectivo prioritario de axudar ás familias pontesas a compatibilizar a vida laboral e familiar.

O Concello das Pontes, a través da Concellería de Benestar Social, destinará no curso 2020-2021, 44.460 euros a este programa municipal, unha cantidade que supón un incremento do 11% con respecto ao curso anterior.

A concelleira responsable da área, Tania Pardo, sinala que “cada vez son máis os pais e nais que, por incompatibilidades horarias, necesitan deixar aos seus fillos e fillas no colexio antes do inicio da xornada escolar, e este programa ten moi boa acollida por parte das familias. Estas son as razóns principais polas que o goberno local, un ano máis, aposta por incrementar a partida orzamentaria desta iniciativa municipal para, deste xeito, continuar dando resposta ás necesidades da veciñanza, especialmente nun momento complicado como o que estamos a vivir provocado pola pandemia do covid-19”

No colexio Santa María o número de alumnos e alumnas que participan no programa ascende a 15, no caso do colexio A Fraga almorzan, diariamente, 30 alumnos e alumnas, con idades comprendidas entre os tres e os doce anos mentres que no Ceip A Magdalena o número de beneficiarios e beneficiarias do programa “Eu almorzo no cole” ascende 50.
Este programa, posto en marcha no ano 2009, tamén busca promover hábitos saudables entre os rapaces e rapazas beneficiarias, a través de propostas de almorzos baseadas no consumo de froitas, lácteos e cereais e mediante actividades lúdicas complementarias, relacionadas coa dieta e a práctica de exercicio físico, nesta ocasión, adaptadas ás medidas de seguridade e saúde establecidas polas autoridades sanitarias para evitar a propagación do covid-19.

Etiquetas