Os pais de Baamonde volveron concentrarse en contra da unificación dos colexios

Os pais de Baamonde volveron concentrarse en contra da unificación dos colexios Os pais de Baamonde volveron concentrarse en contra da unificación dos colexiosA anpa do Ceip Baamonde e a Asociación de Vecinos Montenegro continúan coa súa campaña de mobilizacións en contra do peche do colexio local. Nesta ocasión, celebrouse o sábado unha concentración ante o centro para denunciar “a enterro da ensinanza pública e do mundo rural”.

Na concentración participaron pais e alumnos que satirizaron un enterro con ataúdes, rezos e pancartas contra a acción anunciada pola alcaldía de Begonte.

Os manifestantes leron un manifesto en forma de oficio relixioso e percorreron o camiño ata Begonte coas caixas e as súas reclamacións.

O Concello anunciou este mes a súa intención de trasladar os alumnos de Baamonde ao centro de Begonte para utilizar as instalación de Baamonde para facer un conservatorio que dea servizo a Rábade, Outeiro de Rei e Begonte.

Os veciños foron informados polo Concello en días previos da súa intención e deseguido manifestaron o seu rexeitamento a esta idea, xa que no centro estudan actualmente uns trinta pequenos, que pasarían a incorporarse ao de Begonte, onde hai uns 70.

Os pais néganse a que “se desmantelen servizos” e fixeron chegar a súa protesta ao alcalde que, según aseguran “negouse a reconsiderar a situación” e explicoulles que “coa unificación dos centros tamén se reducirían custos”.

Os manifestantes aproveitaron para subliñar que a escola ofrece un bo servizo e que nos momentos actuais de pandemia sería preferible non concentrar ao alumnado.

Etiquetas