Baixo Holstein, unha explotación de gando vacún foi recoñecida como a mellor gandería criadora de raza frisoa de España.
Trátase de Baixo Holstein, unha empresa familiar que se transmitiu de xeración en xeración, pero agora mesmo é rexentada por un matrimonio, formado por Antonio Rodríguez e Gloria García, e o seu fillo, Yago Rodrígueze.
A Confederación de Asociacións de Raza Frisoa (CONAFE) recolleu un listado das mellores explotacións desta raza de vaca e esta empresa sarriá acadou o primeiro posto.
Así, Baixo Holstein é por terceira vez a escollida como a mellor e na actualidade contan con 230 animais, dos que 127 son reprodutores.
Antonio defende que “desde un inicio consideramos que a morfoloxía das vacas é un aspecto fundamental no rendemento da explotación, xa que as vacas con mellor morfoloxía van ter unha maior aptitude para a produción de leite e unha maior lonxevidade”.
Por isto, argumentan, “obtiveron o título de Mestre Criador en 2005, a primeira vez que CONAFE outorgou este distintivo, un recoñecemento que se outorga en función dos animais recriados na explotación”.
