A organización do concurso de tapas Que Bo Estás Guitiriz xa ten día para a entrega de premios, que será o 22 de abril, tanto para os hostaleiros gañadores como para o público que saíu elixido no sorteo.
O restaurante La Casilla foi o local gañador deste evento, que este ano chegaba á súa décima edición. A súa proposta tiña o título Pulpo crocanti, e foi a máis valorada polo público.
Por detrás quedou o Balneario de Guitiriz e o seu Pincho de Fuente de San Juan. Completaron o podio o café pub Soa con Reméxeo ti.
No concurso participaron este ano oito locais, entre os que estaban ademais dos tres gañadores, A Capela, Xoldra, O Korreo, Zeus e Casa Nistal, e se repartiron unhas 6.000 tapas. Ademais repartíronse tres premios de 600, 400 e 200 euros entre o público asistente.
Por outra banda, e como fan todos os anos, o concurso tivo un apartado solidario que nesta ocasión foi para Alume. Así, cinco céntimos de cada tapa vendida no concurso foron para esta asociación, que supuxo 390 euros.
