Este venres, 5 de abril, a Casa da Cultura de Sarria acolle a presentación do último libro da autora Ticiana Ghiglione Darriba ‘Non apartes a mirada do espello’ ás 20.00 horas.
A autora, no evento organizado polo Concello de Sarria e a Asociación Ergueitas, dará a coñecer a obra coa presenza do concelleiro de Cultura, César No, e a presidenta de Ergueitas, María Casar.
A obra consiste nun libro no que aparecen unha decena de relatos de humor negro e está escrita tanto en galego como en castelán.
