Skip to main content
ActualidadeLourenzá

Xantar de confraternidade o Domingo de Ramos en Santo Tomé, Lourenzá

Por 10 Abril, 2019Sin comentarios

A asociación de veciños Terras de Tovar de Santo Tomé en Lourenzá celebrará o domingo 14 de abril, Domingo de Ramos no Pavillón de Santo Tomé o xa tradicional Xantar de Confraternidade.
As actividades do día comezará coa bendición dos ramos e a celebración da misa ás 13:30 horas na Igrexa parroquial.
Logo da celebración relixiosa, ás 14:30 horas dará comezo a sesión vermú e posteriormente, o xantar. A comida estará a cargo do Cátering Chao dos Navais, e o menú constará de entrantes (empanada, xamón e queixo), polbo con ameixas en salsa, costela asada con guarnición, doce e tarta xeada e café e chupito.
Rematará a xornada cun baile amenizado polo dúo Epo-K.
O prezo por persoa será de 25 euros para os socios e de 28 euros para os non socios, sendo gratuito o Xantar de Confraternidade para os nenos de ata 11 anos.
As tarxetas estarán dispoñibles para a súa compra no Hostal Baos e en Casa Gayoso ata o 10 de abril.