A VIII San Silvestre Vilalbesa reuniu no Concello de Vilalba a 350 participantes de todas as idades e de todas as parroquias do municipio, que desfrutaron dunha carreira e andaina polas rúas da vila.
A alcaldesa, Marta Rouco, tamén participou nesta edición e quixo agradecer a todas as persoas participantes a súa asistencia, xa que “foi unha forma estupenda de rematar o ano”.
En categoría absoluta feminina, a gañadora foi Zelinda Spencer; Iria Fernández, segunda, e Carmen Rábade, terceira. Mentres, en categoría absoluta masculina, o gañador foi Martín Cando, Manuel Folgueira, segundo, e Aaron Crende, terceiro.
