O Concello de Cospeito organiza un taller de alimentación para persoas maiores co obxectivo de adquirir coñecementos para promover unha alimentación equilibrada e axeitada ás necesidades de cada persoa e idade para promocionar hábitos de vida saudable entre as persoas maiores.
Está dirixido especialmente a persoas maiores do concello e aberto a todas as idades.
Este terá lugar en dúas sesións, o mércores 28 de febreiro será na escola de Xermar, a partir das 17.00 horas e o sábado 2 de marzo na escola de Pino, ás 12.30 horas.
Estará impartido pola nutricionista Tamara Rivas de Muimenta. O lema deste curso é que “ter uns bos hábitos alimentarios mellora a nosa saúde e axuda a previr enfermidades”.
