Skip to main content
Axenda CaducadaMonforte

Xogos da Amizade organiza un curso de monitor de tempo libre en Monforte

Por 25 Xaneiro, 2023Xaneiro 26th, 2023Sin comentarios

Xogos da Amizade organiza un curso de monitor de tempo libre na Casa do Neno de Monforte a partir do 4 de febreiro, con horario de sábados pola mañá, de 9.00 a 15.00 horas, e de tarde, de 17.00 a 21.00 horas; e os domingos de mañá, de 9.00 a 14.00 horas e de 15.00 a 17.00 horas.

Este curso está homologado pola Xunta de Galicia, o que permite que as persoas que asimilen e aproben todo o temario e pasen as prácticas de forma favorable, obterán o título de Monitor de Tempo Libre.

Neste, daranse contidos relacionados coa normativa que ten que saber o monitor, materia que se impartirá de forma semipresencial por ser a parte máis densa e que se corresponde con 40 das 200 horas de teoría que se impartirán.

Á súa vez, tamén se explicarán conceptos necesarios para que os participantes entendan a complexidade de guiar e atender a nenos de entre 3 e 6 anos nos campamentos e actividades lúdicas nas que poderá desempeñar o seu labor.

Darase moita importancia tamén ao traballo en equipo e formarase aos estudantes a resolver situacións en que hai que estar atentos aos máis pequenos, coidalos, saber o que queren e, en definitiva, ser bos educadores.

Por iso, ao finalizar o curso, terán que escoller un lugar axeitado onde levar a cabo as 150 horas de prácticas que lles corresponden para poder conseguir o recoñecemento.

Para apuntarse, pódese contactar con Alejandro, co número 659 053 370, xa que hai 20 prazas dispoñibles para levar a cabo o curso, que ten un custo de 250 euros.