O BNG propón unha vía verde para achegar as urbanizacións de Outeiro de Rei ao bus urbano de Lugo

Os edís do BNG de Outeiro de Rei percorreron o tramo entre a urbanización de S. Martín de Guillar con Ramil.

Os edís do BNG de Outeiro de Rei percorreron o tramo entre a urbanización de S. Martín de Guillar con Ramil.

O BNG levará unha iniciativa ao pleno do concello de Outeiro de Rei e á Deputación para propoñer a construción dunha vía verde para unir as urbanizacións de S. Martín de Guillar (Outeiro de Rei) coa parada de bus urbano situada en Ramil (Lugo). O edil do BNG, Xabier Molinos, sinalou “son menos de 2 km o que separa as urbanizacións desta parada de bus e que é utilizada por moitas veciñas e veciños para achegarse a diferentes puntos da capital lucense”.

A proposta do BNG consiste en acondicionar unha senda paralela á estrada para que peóns e ciclistas poidan desprazarse con seguridade durante este tramo de 1,8 km entre as urbanización de S. Martín de Guillar e Ramil. “Cun baixo investimento poderíase facer unha vía verde, integrada na paisaxe, e coas mínimas condicións de transito para unir estes dous puntos” dixo Xabier Molinos que destacou “así o transito de peóns e ciclistas quedaría perfectamente separado do de vehículos a motor que, nalgúns casos, circulan a velocidades excesivamente elevadas e poñendo en perigo ás persoas”.

Para a realización desta vía verde, explicou Molinos, “e necesario o acordo de varias administracións por que a estrada de titularidade municipal que vai dende as urbanizacións de S. Martín de Guillar enlaza coa estrada Deputación LU-234”. Por esto os nacionalistas trasladarán este proposta tamén á Deputación de Lugo e así contar co apoio das administracións municipais e provincial. Os ediles do BNG, Xabier Molinos e Xosé Ferreiro, percorreron este tramos de vía e puideron contratar con varias persoas usuarias da mesma a necesidade da posta en funcionamento desta vía verde para peóns e cicilstas.

Ademais da construción da vía verde o BNG inclúe na súa proposta a dotación da sinalización necesaria, a dotación de papeleiras e a colocación un punto seguro de estacionamento de bicicletas ao carón da parada de bus de Ramil. “Así as persoas que decidan desplazarse en bicicleta dende a súa casa ata a parada de bus poderían deixala aparcada con certas garantías de seguridade ata o seu retorno” dixo Xabier Molinos.

Etiquetas

Publicidade

Axenda

Publicidade

Todos os artigos e novas da anterior web están agora aquí: