Unha furgoneta resultou calcinada por completo en Abadín. O incendio declarouse esta mañanciña, contra as oito menos vinte da mañá.
Unha persoa particular chamou ao 112 Galicia para dar conta da situación. Indicou que os feitos estaban tendo lugar no quilómetro 30 da LU-113.
Dende o Centro Integrado de Atención ás Emerxencias do 112 informouse aos Bombeiros de Vilalba e á Garda Civil de Tráfico.
O lume xa quedou sufocado. Ningunha persoa resultou afectada.
