Border Collie manexando un rabaño de ovellas.
O Goberno da Deputación promove unha nova edición do curso de adestramento de cans de pastoreo o vindeiro domingo, 24 de setembro, na parroquia de Santa María de Cospeito. O Executivo Provincial fai unha achega de 3.000 euros para a celebración desta actividade formativa, organizando seis cursos ao longo do ano.
Máis de 400 gandeiros procedentes de toda Galicia xa participaron nas anteriores edicións, recibindo formación de marcado carácter práctico sobre as técnicas claves no adestramento para labores de pastoreo de rabaños de cans da raza Border Collie.
Como en anteriores ocasións, o curso será impartido polo experto navarro Alejandro Ibarra Artús. As prazas dispoñibles son 10. Os interesados poden formalizar a súa reserva no teléfono 660541534 ou no correo victordagrelo@hotmail.com.
As actividades do curso de adestramento de cans de pastoreo, desenvolveranse en horario de mañá e tarde, de nove e media da mañá a unha e media do mediodía e de tres da tarde a sete do serán.
