Xermolos continúa loitando por salvar a casa de Díaz Castro no vixésimo sétimo aniversario do pasamento do poeta

Xosé María Díaz Castro.

Xosé María Díaz Castro.

Xermolos convoca un recital de poesía ao pé do panteón de Xosé María Díaz Castro para este luns 2 de outubro cando se cumpren 27 anos do seu pasamento.

O acto desenvolverase a partir das catro da tarde para dar paso ás sete e media, no Forum Metropolitano da Coruña, á presentación do proxecto “Salvemos a casa de Díaz Castro” coa intervención de Alfonso Blanco -coordinador de Xermolos- e Antón de Guizán -presidente da asociación cultural Lareira de Soños- organizado pola Asociación de Veciños OZA da Gaiteira-Os Castros dentro do “Cine de barrio” co patrocinio do Concello de A Coruña.
Ao coloquio seguiralle a proxección da curta “A chave de Bascuas” de Bruno Pena e os spots que este realizador creou para a campaña da Casa de Díaz Castro.

Xa o 19 de outubro dentro deste proxecto trasladarase a exposición de pintura de Anxo Lamas dende a Biblioteca Pública Miguel González Gracés desta cidade á Asociación Alexandre Bóveda onde vai intervir o creador Anxo Lamas.

E, en Lugo, segue adiante a presentación do proxecto “Salvemos a casa de Díaz Castro” o xoves 12 de outubro na Feira Medieval grazas á colaboración da Asociación “Bolboreta Fiandeira” e, na semana seguinte, na Asociación Madia Leva.

Etiquetas

Publicidade

Axenda

Publicidade

Todos os artigos e novas da anterior web están agora aquí: