Éxito na última etapa do programa Guitiriz en Ruta

Un grupo de 27 veciños do Concello de Guitiriz participou na cuarta ruta de sendeirismo organizada dentro do programa Guitiriz en Ruta e que constou de 15 quilómetros.

Os participantes sairon de San Alberte ás 10.00 horas e percorreron o Camiño Norte de Santiago ata o lugar de Carballedo en Santa Locaia. Tras o café no albergue Witericus, invitados/as xentilmente por Helena Pais, persoa que rexenta o albergue, seguiron polo Camiño de Santiago ata preto do límite co Concello de Friol. Na volta a San Alberte pasaron polos montes de Santa Locaia, Pedrafita e San Breixo. Chegada a San Alberte sobre as 13.40 horas.

Etiquetas