Libera Galicia denuncia a venda ilegal de cans na feira de Vilalba

O mercado local de Vilalba do pasado domingo incluíu unha práctica prohibida pola nova Lei de Benestar Animal, como a venda ambulante de animais considerados ‘domésticos’ mentres que nin o goberno local nin a Policía Local pareceron actuar ata o momento.

É a denuncia que a Asociación Animalista Libera e a Fundación Franz Weber trasladaron á delegación lucense da Consellería de Medio Ambiente, por unha posible infracción de carácter leve, sancionada con ata 500 euros, e a sospeita de que se poderían cometer máis irregularidades, como a falta de identificación dos propios cans, algúns aínda cachorros, así como o transporte inadecuado dos mesmos.

Os animalistas advirten que o comercio ilegal é unha práctica sistemática non só en mercados “físicos”, senón tamén a través de plataformas de internet e redes sociais, malia estar sancionado nalgúns casos con ata 5.000 euros, ao producirse sen cumprir cos requisitos mínimos e implicar ata a determinadas razas caninas, cuxo procedemento de venda é aínda máis estrito.

FFW e LIBERA! recordaron que Vilalba debe adaptarse ao contido da normativa autonómica, que suma máis dun mes e medio desde a súa entrada en vigor e contén importantes novidades sobre aspectos de protección dos animais, por exemplo a prohibición do encadenamiento continuado, o fin dos circos con fauna silvestre ou o veto de uso de colares de descargas eléctricas.