20 persoas aprenderon a identificar aves acuáticas na Lagoa de Cospeito

20 persoas participaron no obradoiro gratuíto Curso de iniciación ás aves acuáticas invernantes da Reserva da Biosfera Terras do Miño, que ofrece a Deputación a través das actividades medioambientais do Río Rato. A actividade, que transcorreu na Lagoa de Cospeito, consistiu na identificación das distintas especies que habitan o territorio da reserva.

O Deputado de Medio Ambiente, Argelio Fernández Queipo, subliñou que “con este tipo de actividades de campo contribuímos a que os lucenses coñezan a diversidade dos animais que habitan o noso territorio. Neste caso, o obradoiro dedicouse ás aves acuáticas que os participantes puideron ver no seu hábitat desde varios puntos de observación da Lagoa de Cospeito”.
“O que pretendemos con este tipo de actividades é que a xente aprenda a mirar a natureza para crear unha conciencia de conservación e para que a xente aprecie a multitude de beneficios que esa conservación da natureza e das distintas formas de vida que habitan nela teñen para todo o mundo”, destacou.

O obradoiro tivo unha duración de 4 horas nas que os participantes aprenderon sobre a bioloxía e o estado de conservación das especies que habitan na Reserva da Biosfera Terras do Miño. A parte práctica consistiu na identificación en campo dos exemplares.

Etiquetas