Skip to main content
ActualidadeVilalba

Rodríguez Bastida achegaba a Vilalba a medicina deportiva

Por 1 Outubro, 2017Sin comentarios
Rodríguez Bastida ofrecía unha charla sobre medicina deportiva en Vilalba.

Rodríguez Bastida ofrecía unha charla sobre medicina deportiva en Vilalba.

Éxito da xornada sobre medicina deportiva organizada por Biciclistas Galegos na Casa da Cultura de Vilalba da man do médico Xoán Manuel Rodríguez Bastida, especialista en Medicina e Fisioloxía do deporte e médico de equipos ciclistas profesionais coma o Xacobeo Galicia, Euskaltel, Relax Fuenlabrada, entre outros.

Rodríguez Bastida, que leva actualmente numerosos deportistas de élite así coma as seleccións galegas de fútbol, fixo un repaso -en case dúas horas de ponencia-, polas principais características do adestramento deportivo tanto na elite como a nivel afeccionado. Nutrición, lesións, recomendacións prácticas, hidratación, etc foron algún dos temas tratados na xornada. Tamén incluíu anécdotas de carreiras como o Tour de Francia, Giro, etc.

Esta actividade enmárcase dentro dunha programación de monográficos relacionados co deporte en xeral e o ciclismo en particular que a Asociación Cultural e Deportiva Biciclistas Galegos vai levar a cabo nos vindeiros meses.