Skip to main content
ActualidadeBegonte

Begonte acolle unha charla sobre dano cerebral

Por 4 Xuño, 2018Sin comentarios

O mércores 6 de xuño, ás 18:00 horas na Casa da Cultura de Begonte, terá lugar unha charla se sensibilización sobre o dano cerebral adquirido co título Coñecendo (DCA),  impartida pola Neuropsicóloga de ADACE LUGO, Elisa López Fernández,  e organizada polo Centro de Día de Begonte da Rede de Centros de Maiores da Xunta de Galicia e o Concello de Begonte a través da Escola de Coidadores.

A Neuropsicóloga Elisa López, abordará as causas e consecuencias do Dano Cerebral Adquirido, así como a súa prevención.

O DCA é unha lesión producida nas estruturas cerebrais de forma súbita ocasionando diferentes secuelas físicas, psíquicas e sensoriais. A causa pode ser unha enfermidade (ictus, tumor cerebral…) ou un traumatismo craneoencefálico (motivado por un accidente, golpe, caída, etc.). As consecuencias poden ser trastornos e/ou secuelas físicas, sensoriais, cognitivas (problemas de atención, memoria, linguaxe…), afectivo-comportamentais (alteración do humor e da personalidade, impulsividade…).