A actuación de Teatro Marionetas Trécola coa obra Xogo Revolto dentro da sexta edición do Festival de Teatro da Asociación Cultural Castiñeiro Milenario, realizarase o día 20 de novembro ás 12 horas no colexio de Baamonde.
Xogo revolto é a nova obra que a compañía Marionetas Trécola, de Pol, propón para esta tempada. Comezan esta nova andaina coa creación dunha nova obra onde o tema principal é o bullying. Esta compañía de teatro leva anos traballando coa Federación de ANPAS de Centros de Ensino Público (Fapacel) e levando as súas educativas obras de marionetas polos colexios.
Unha obra de monicreques adicada a un público infantil coa que pretendemos participar nunha adecuada educación emocional e en valores, ensinando dun xeito chamativo e divertido que amosar sentimentos e emocións non nos fai parecer débiles e vulnerables senon ao contrario, fortes e respectuosos cos actos, emocións e pensamentos dos demáis aínda que non sexan iguais aos nosos.
Tamén o día 15 de decembro estarán coa última obra estreada chamada Tolitates na Fundación Manuel María en Outeiro de Rei, participando no programa de teatro profesional da provincia de Lugo, Proscenio.
