O camping de caravanas O Viveiró-Muras volverá acoller unha nova sesión de observación do ceo, unha actividade pensada para que desfruten delas nenos e maiores que será o 30 2 31 de agosto.
Para poder observar o ceo nocturno haberá acampada para pasar a noite con almorzo matutino incluído por xentileza do Concello de Muras.
Os mellores expertos estarán guiando unha actividade organizada pola Sección de Astronomía do SGHN e Asociación de Fotografía Ferrolterra.
Así ás 20:00 horas será o inicio da actividade na que se asentarán e distribuirán os sitios para a acampada. Ás 21:00 haberá unha charla sobre telescopios e posta en estación a cargo de Marcos López.
Ás 22:00 horas será a quenda da cea que correrá a cargo de cada un dos asistentes, pero que na que o Concello facilitará mesas e sillas. Xa ás 23:00 chegará a charla sobre a contemplación dos ceos impartida por Paulino Gasalla.
Arredor da 01:00 rematará a actividade, e o día seguinte o almorzo será ás 9:30.
As inscricións poden facerseno Museo da SGHN , chamando ao 881 931 315, 881 931 314, 698 141 384; no Concello de Muras e no teléfono 982 500 001.
