Skip to main content
ActualidadeVilalba

Volve convocarse en Vilalba o concurso de microrrelatos polo Día do Libro

Por 25 Marzo, 2020Sin comentarios

Para amenizar esta situación de reclusión, o Concello de Vilalba volve convocar, dende as concellerías de Educación e Cultura  e en colaboración con Culturalia GZ, unha nova edición do Certame de Micorrelatos con motivo da celebración do Día do Libro 2020.

Nel poderán participar todas as persoas que o desexen e haberá tres categorías, infantil, xuvenil e adultos, con distintos premios. A temática dos microrrelatos (un por persoa) será libre, mais debe conter no seu corpo narrativo a palabra LIBRO. A extensión máxima dos microrrelatos será de 100 palabras, título incluído, e sempre en galego.

A data de recepción dos textos remata o 17 de abril e debe facerse a través do enderezo electrónico comunicacion@vilalba.es. Deberán enviarse dous documentos en formato .docx e no asunto da mensaxe deberá figurar que son para o concuso e a categoría á que pertence. No primeiro documento, irá o microrrelato con título e un seudónimo e no segundo documento os datos do concursante. Os menores deberán adxuntar unha autorización parental.

Consulta as bases neste enlace.