Rábade organiza un concurso de audiopoemas polas Letras Galegas

O concello de Rábade organiza un ano máis o concurso para conmemorar o Día das Letras Galegas. Este ano e debido as circuntancias que están a acontecer, cambiaron o formato por un máis dinámico.

Trátase de compoñer un poema e envialo mediante audios. Os participantes deberá elaborar un poema en galego de tema libre cun mínimo de 6 versos, con ou sen rima.

Os audios deberán enviarse por  WhatsApp ao teléfono: 650 600 002 con dous audios diferentes. O Primeiro co nome artístico e o poema e o segundo cos datos persoais (nome, apelidos, idade e teléfono).

A organización establece tres categorías, de 5 a 8 anos, de 9 a 11 anos e de 12 a 16 anos.

Haberá premios para as tres categorías con vales de 60, 40 e 30 euros para canxear no comercio de Rábade. Os premiados daranse a coñecer o 17 de maio nas redes sociais e web do concello.

A data límite para o envío é o venres 8 de maio ás 20:00 horas.

Para calquera dúbida ou aclaración, os interesados poden enviar un correo a asociocultural@rabade.org.

Etiquetas