Axencia de colocación

A biblioteca de Castro de Rei organiza un concurso de relatos

A biblitoeca Poeta Crecente Vega de Castro de Rei organizou un concurso de relatos con motivo do Día das Letras Galegas.

Co obxetivo de fomentar a escritura creativa e mellorar a aprendizaxe da lingua e o gusto pola lectura, organízase este certame no que se esixe un texto en galego, escrito nun folio por unha cara que tamén pode estar acompañado por un debuxo.

Tanto a temática a tratar como a disciplina (conto, poema, redacción…) escollida é libre. Así mesmo, pode estar acompañado por un debuxo.

Establécense dúas categorías, ata os 8 anos e de 8 a 12 anos. O gañador de cada unha recibirá un premio sorpresa do Concello.

Os interesados en participar teñen de prazo ata o 10 de xuño. O conto debe enviarse a bibliotecacrecentevega@castroderei.gal.

Etiquetas