Outeiro de Rei dá a coñecer aos gañadores do concurso de debuxo e redacción

A área de cultura do Concello de Outeiro de Rei deu a coñecer aos gañadores do Certame de Primavera de Narración e Debuxo Infantil convocado no mes de maio con motivo do coronavirus

As narracións tiñan ser en galego cunha extensión máxima dun folio, sobre o tema Viaxando por Galicia mentres que os debuxos tiñan como tema Imos de festa por Galicia.

Na categoría ata 8 anos, reciben premio os debuxos de Iago Río Pernas, Area Barreiro Barja, Mauro Díaz Lastra, Carla Hernando González e Iván Jesús Río Pernas, os dous últimos como accésit. Na categoría de 9 a 11 anos tamén en debuxo gañou Olivia Vázquez Zapata, seguida de Carla Lence Liste e Candela Méndez Rodríguez. O premio na categoría de narración foi para Iris Peña Piñeiro.

Etiquetas