No día de hoxe Vilalba convertiuse no epicentro da protesta dos traballadores de Alcoa polo anuncio do despedimento colectivo a partir do día 25 de xuño de 534 empregados na fábrica de San Cibrao, a única de produción de aluminio primario en activo en España.
Segundo as estimacións do comité de empresa, serán máis de medio milleiro de postos de traballo e ao redor de 400 de empresas auxiliares as que desaparecerán se o Goberno español continúa sen garantir un prezo da electricidade competitivo que permita, coa multinacional ou con outro xestor, manter a produción e os postos de traballo.
Así, esta mañá, sobre as 11.00 horas os traballadores volveron manifestarsem nesta ocasión cortando con barricadas de lume a A-8 ao seu paso por Vilalba. A manifestación consistiru primeiro nunha mobilización que matiña paralizado o tráfico na A-8, en ambos os sentidos, á altura do desvío cara a Vilalba, por Momán e A Madalena. Outra acción sorpresa coa que os empregados da fábrica de San Cibrao queren defender “o presente e o futuro das miles de familias que viven do aluminio”.
Foron moitos os gritos que entonaron os manifestados pedindo A solución, unha intervención, Enerxía, solución, Madrid, escoita, A Mariña está en loita, Aluminio, solución!! Alcoa go home!! ou As cubas non se paran.
Non faltaron as sorpresas como a representación en cartón dun Congreso dos deputados cun empregado tirado diante e volveron a representar o queima da economía da Mariña cunha queima de neumáticos.
Pero non queda todo aquí, os traballadores continuarán as súas manifestacións o sábado de noite cunha marcha nocturna, con luces, convocada polo comité de Alcoa en San Cibrao. Chaman a participar a todos os empregados da fábrica, aos das empresas auxiliares e á Mariña, en xeral.
A marcha partirá ás 22:15 horas da entrada da fábrica e os traballadores, que irán vestidos coa roupa de faena, atoparanse cos veciños da comarca no parque Reina Sofía, baixo o lema A Mariña sálvase loitando.
Os traballadores están facendo unha importante mobilización que contempla varias accións como a realización dun vídeo (pódese ver nesta noticia) que analiza como quedaría a situación na Mariña.