500 traballadores das auxiliares manifestáronse por un futuro para o sector

Arredor de 500 persoas marcharon este xoves polas rúas das Pontes co fin de reclamar novamente unha solución para os traballadores das auxiliares da central térmica de Endesa, que anunciou o peche definitivo.

A marcha transcorreu con orixe e final na praza do Carme, mentres os participantes gardaron distancias de seguridade e portaron máscaras como medidas de prevención fronte ao coronavirus. Os manifestantes luciron a pancarta Goberno, Xunta, Endesa, traballadores dás auxiliares que! Solucións xa, mentres se escoitaron cánticos como “sen emprego, non hai futuro”.

Nas estimacións dos sindicatos uns 170 traballadores de auxiliares están pendentes dun fío no seu posto de traballo. Endesa asegura, pola contar, que son 108, xa que o seu emprego só está garantido durante o tempo que duren as probas con biocombustibles nas Pontes.

Malestar tamén sobre estas probas, previstas para mediados de mes pero que aínda non comezaron porque están a chegar os lodos.

Etiquetas