Enquisa Mobilidade

Colocan caucho no chan do Mupav para poder abrilo ao público trala inundación

A Asociación de Amigos do Museo de Vilalba (Amupav) propicia que o Mupav poida reabrir ao público. A inundación ocasionada pola rotura dunha tubaxe o pasado 13 de xullo danou a maioría dos chans do museo, así como as portas e paneis das paredes, con todo, a área da exposición permanente quedou a salvo do desastre. A dirección do Museo estivo buscando unha fórmula para poder abrir ao público canto antes, pero carecían de recursos. Segundo a asociación, ante esta situación e para que o peche ao público non se perpetuase, “coa autorización verbal da alcaldesa”, procedeuse á adquisición e instalación dun sistema de alfombriñas de caucho, colocado sobre os pavimentos deteriorados, que permitan aos visitantes transitar con comodidade.

“Desta forma a sociedade civil, ante a inacción da administración local, restituiu a prestación dun servizo público: as visitas ao museo. Esperemos que este sistema precario de acceso público non se converta en permanente”, explican.

Desde a Asociación de Amigos do Museo de Vilalba lamentamos o estado no que se atopa o edificio que alberga o Mupav, “a deterioración é xeral e apréciase no exterior con desconchados das paredes, filtracións no portier e silvas que invaden as beirarrúas; mentres que no interior, aos danos producidos pola inundación engádense as múltiples pingueiras que afectan á biblioteca e á exposición permanente, así como diversas patoloxías existentes nas paredes e nas áreas expositivas. A conservación e mantemento do edificio é unha obrigación que a administración local ha desatendido durante demasiado tempo, coa consecuente deterioración do edificio. O novo goberno local, lonxe de mellorar a situación empeorouna drasticamente”.

“Nestes tempos nos cales se outorga unha gran importancia ao turismo, habemos de pensar que a maioría dos turistas que chegan a Vilalba visitan o Mupav, e a imaxe que ofrece o edificio é dunha total desidia, o que desgraciadamente non contrasta coa situación dos moitos recursos patrimoniais abandonados por distintos lugares do municipio”, engaden.

A Amupav urxe ao goberno local de Vilalba “a que asuma as súas obrigacións de mantemento dos locais que ocupa o Mupav, para unha adecuada prestación do servizo público, para crear un espazo laboral digno e para garantir a conservación do noso patrimonio histórico”.

Etiquetas