Skip to main content
ActualidadeXermade

O Concello de Xermade licita as escolas deportivas para este ano

Por 17 Setembro, 2020Sin comentarios

O Concello de Xermade licitou as escolas culturais e deportivas para o curso 2020-2021, resultando adxudicatarios do deporte escolar Laura Rodríguez Román (Picariños) e de costura Beatriz López Lamigueiro. O resto dos lotes de ambas licitacións quedaron desertos, polo que a Xunta de Goberno Local aprobou novamente os correspondentes expedientes de contratación, que actualmente se atopan en fase de presentación de ofertas.

O servizo de escolas deportivas oferta as actividades de loita, hocquei sobre patíns e pilates; namentres que o servizo de escolas culturais oferta as actividades de elaboración de conservas, baile para persoas adultas e faino ti mesm@.

O prazo de presentación de ofertas remata o 21 de setembro de 2020. Toda a información referida a estas dúas licitacións está publicada na Plataforma de Contratación do Sector Público.