O grupo municipal do BNG volveu elevar as súas críticas sobre o estado no que se atopa a avenida da Terra Chá, xusto á entrada da vila de Castro Ribeiras de Lea, e o comenzo da estrada que vai ao Matodoso. Segundo explican, a vía anégase cada vez que chove.

“A veciñanza da zona xa está farta que o goberno municipal do PP non faga nada por darlle solución a este problema e ter que facer números para poder acceder aos seus coches”, explican.

Os nacionalistas engaden que “vai sendo hora que o goberno municipal do PP asuma as súas responsabilidades e se poña a traballar dándolle solución a esta e a moitas obras pendentes que hai polo concello adiante”.