O Concello de Castro de Rei adxudicou estes días a primeira fase da obra das beirarrúas da capitalidade municipal á empresa Contratos y Servicios Castro por importe de 85.305 euros.
As obras, que terán un prazo de execución previsto de dous meses, iniciaranse neste mes de novembro e con elas preténdese reformar as beirarrúas existentes na principal vía de comunicación da vila de Castro de Rei, dende o inicio da rúa Alcalde Emilio Sinde Nieto, ata a intersección coa rúa Manuel Becerra, favorecendo o tránsito peonil en ambas marxes.
O obxetivo desta obra á a creación dunhas estructuras de paso en bo estado que permitan unha circulación segura facilitando condicións de accesibilidade e comodidade e igualmente mellorando a súa estética, aspectos que se levarán a cabo mediante a demolición do pavimento de baldosa e bordillos existentes colocando pezas prefabricadas de bordillo e capa de formigón con acabado tipo raiado, de xeito que o pavimento resultante poida cumprir coa normativa vixente de accesibilidade.
