Cultura

Guitiriz acollerá en xuño un festival poético que contará cun amplo programa de actividades, e que estará organizado polo colectivo Nova Poesía Guitirica en colaboración co Concello.

Guitiriz acollerá en xuño un festival poético que contará cun amplo programa de actividades, e que estará organizado polo colectivo Nova Poesía Guitirica en colaboración co Concello.

Xa se escolleron as datas de celebración, que serán o 12 e 13 de xuño no Campo de Feira da localidade, na medida en que as circunstancias sanitarias o permitan.

Dende a NPG xa levaban tempo coa idea de organizar un grande evento poético, que completara a programación anual que organiza o colectivo pero a pandemia impediu a súa celebración con anterioridade.

Durante estas datas concretarase o programa que se desenvolverá esa fin de semana e que xa avanzaron que contará con presentacións, exposicións, concertos, un roteiro e as entregas dos premios Díaz Castro de Poesía, que convoca o Concello, e Vilariñas, promovido polo colectivo poético.

A alcaldesa, Marisol Morandeira, acompañada das titulares das áreas de Cultura, Turismo e unha técnica municipal, así como a delegación da NPG con Pilar Maseda, Luz Airado e Antón Tenreiro avanzaron as liñas xerais da programación e o traballo a desenvolver cara este primeiro ano.