José Cuba foi homenaxeado no Concello de Vilalba
![jose cuba recepcion vilalba 2021](https://terrachaxa.com/wp-content/uploads/2021/06/jose-cuba-recepcion-vilalba-2021.jpg)
O vilalbés e decimoséptimo Campión de España de Loita, José Cuba, foi recibido no Concello de Vilalba pola alcaldesa, Elba Veleiro, acompañada de concelleiros e técnicos para felicitar o enorme traballo deste deportista e de todo o seu equipo.
Cuba asistiu á recepción xunto con dúas persoas que calificou de fundamentais nesta tan meritoria traxectoria deportiva, Iván Castro e
Sergei Priadun. Tanto Cuba como Castro salientaron a importancia do equipo de loita para recoller agora os éxitos dese esforzo colectivo.
Elba Veleiro, alcaldesa de Vilalba, dixo "queremos trasladar hoxe o orgullo que sentimos os vilalbeses e vilalbesas deste novo éxito nunha carreira deportiva baseada no esforzo, máis se cabe despois deste ano tan complicado".
Xosé Teixeiro, concelleiro de Deportes, comentou que "nun lugar pequeno como Vilalba, é de destacar un deportista como Cuba que vén de conseguir o 17° título, e que leva sendo un referente deportivo moitos anos".
![jose cuba recepcion vilalba 2021 1](https://terrachaxa.com/wp-content/uploads/thumbs/2021/06/jose-cuba-recepcion-vilalba-2021-1-200x104.jpg)