17 locais de hostalería de Vilalba participan nas Xornadas Gastronómicas do Porco Celta
![WhatsApp Image 2019 02 18 at 22.09.50](https://terrachaxa.com/wp-content/uploads/2019/02/WhatsApp-Image-2019-02-18-at-22.09.50.jpeg)
Un total de 17 locais de hostalería de Vilalba acollerán desde mañá, 21 de febreiro, as Xornadas Gastronómicas do Porco Celta, que se desenvolverán ata o domingo 24.
Esta cita coa gastronomía está organizada a través da Asociación de Empresarios Sete Pontes de Vilalba, en colaboración con Asoporcel.
As xornadas consistirán en degustacións durante estes días en horario de 13.00 a 15.00 horas e de 20.00 a 23.00 horas cunha gran variedade de propostas gastronómicas, tanto tradicionais como innovadoras.
As tapas serviranse todas a un prezo de 2,5 euros e tamén incluirase o porco celta en menús e racións.
Participan nesta iniciativa A Taberna, A Taberna de Míchel, Puro Teatro, Alborada, Cristal, Centro, Pafe, Oasis, Centro Cultural Recreativo, Lembranzas, Stama, Xoldra, Attica 21, La Casa del Lobo, Mesón do Campo, Parador de Vilalba e A Lareira.
![WhatsApp Image 2019 02 18 at 22.09.34](https://terrachaxa.com/wp-content/uploads/thumbs/2019/02/WhatsApp-Image-2019-02-18-at-22.09.34-200x284.jpeg)