Un obradoiro de decoración de nadal percorrerá as parroquias de Vilalba
O Concello de Vilalba organiza unha serie de obradoiros gratuítos e para todas as idades esta semana que comeza dirixido a menores de 8 anos acompañados dun adulto.
Así, dunha forma amena e divertida, aprenderán a facer os adornos de Nadal para as súas casas con material reciclado, continuando coa nosa aposta pola concienciación sobre a reciclaxe e o aproveitamento dos materiais.
O primeiro terá lugar este luns, 11 de decembro no Concello de Vilalba e ao día seguinte comezará o seu percorrido polas parroquias comezando o martes en Santaballa. O resto da semana estarán en Goiriz, Net e Ladra.
As persoas participantes deben levar dous rollos de papel hixiénico para facer os adornos.
O obradoiro conta con prazas limitadas e os que desexen información ou inscribirse poden poñerse en contacto coa anpa correspondente.
