Milleiros de personas maniféstanse desde a praia da Rapadoira
[video width="640" height="352" mp4="https://xn--amariaxa-h3a.com/wp-content/uploads/2020/06/WhatsApp-Video-2020-06-14-at-11.46.56.mp4"][/video]
Foz está a acoller dende ás 11 horas unha concentración convocada polo comité de empresa de Alcoa e a plataforma das auxiliares en defensa dos empregos.
Así, milleiros de personas maniféstanse desde a praia da Rapadoira ata o porto para pedirlle as administracións que tomen partido e defendan o emprego desta comarca.
Quedan días para que remate o proceso informal de consultas que deu Alcoa, e parece que a multinacional estadounidense vai continuar co despedimento de 534 traballadores.
Continuarán as protestas e mobilizacións nestes días para tentar salvar a factoría e aos seus traballadores.
Á protesta acudiron varios representantes políticos, como o candidato á presidencia da Xunta de Galicia en Común- Anova-Mareas, Antón Gómez Reino, e o secretario xeral do PPdeG, Miguel Tellado, xunto coa presidenta do PP da provincia de Lugo, Elena Candia. Todos eles amosaron o seu apoio e respaldo aos traballadores de Alcoa e a todos os veciños da Mariña lucense en xeral.
Os manifestantes corearon "Aluminio, solución“; “Madrid, escoita, A Mariña está en loita“; “Fóra yankees, ‘pandilla’ de mangantes“; ou “Ministra Maroto, non nos vendas a moto“.
[video width="360" height="640" mp4="https://xn--amariaxa-h3a.com/wp-content/uploads/2020/06/Video-de-Alberto-Burundarena-Maseda.mp4"][/video]