A Asociación Afouteza celebra o próximo mércores un obradoiro de cociña de Nadal en Abadín con Alberto Saavedra
A Asociación de Mulleres Rurais Afouteza de Abadín organiza o seu o III Obradoiro de Cociña, que nesta ocasión contará coa presenza do recoñecido chef Alberto Saavedra como encargado de impartilo e se centrará no Nadal.
O taller celebrarase o mércores 3 de decembro, en horario de 20:00 a 22:30 horas, na Nave de Cristal de Gontán, e consistirá na elaboración dun menú completo: un primeiro prato, un segundo e unha sobremesa.
As persoas interesadas en participar poden inscribirse ata o luns 1, chamando aos teléfonos 630 528 742 ou 653 218 275. O prezo de inscrición é de 7 euros para membros da asociación e 12 euros para o público xeral.
Esta iniciativa pretende fomentar a aprendizaxe gastronómica e crear un espazo de encontro arredor da cociña, nun ambiente distendido e participativo.